Salam, Mən Nadir Babaxanov

    Azərbaycan Memarlıq və İnşaat Universitetində təhsil almışam. 2017-ci ildən etibarən AMEA-nın müxtəlif institutlarında və dövlət layihələrində fəaliyyət göstərmişəm. Beləliklə, seysmoloji sensorlardan gələn məlumatlar əsasında 3D modellərin qurulması, LoRa modulları üzərində xəbərləşmə protokollarının yazılması və bu bazada cihazların yaradılması, PUA-nın 3D eskizlərinin çəkilməsi, hazırlanması, proqramlaşdırılması və sınaq uçuşlarının aparılması kimi çoxsaylı işlər icra etmişəm. Əlavə olaraq, PUA-nın servisi, korpusunun bərpası, qaz analizatorlarının dron üzərinə inteqrasiyası və proqram təminatının konfiqurasiyası üzrə layihələr həyata keçirmişəm.

2018-ci ildə “İlk ödənişli yol” layihəsində yolun mühəndis hesablanmasında və 2D rəsm işlərində iştirak etmişəm. 2021-ci ildə hazırladığım “Göz-N1” PUA ilə “İnnovasiya və Yeni Texnoloji Həllər” müsabiqəsində birinci yerə layiq görülmüşəm. 2023-cü ildə “Sapmaz Havacılık” şirkətindən operator vəsiqəsi və “RX/TX Telsizle Haberleşme Kursu” sertifikatı almışam. 2024-cü ildə Beynəlxalq Avrasiya Mətbuat Fondu və Birləşmiş Millətlər Təşkilatı arasında keçirilmiş layihə çərçivəsində Tərtər rayonunda operator və PUA texnologiyası kursunu təlimçi kimi uğurla tamamlamışam. Həmçinin, “Aerostar Alliance” və “RB Group of Companies” şirkətlərindən PUA operator sertifikatı, “Google” şirkətindən isə Android Developer üzrə “Kotlin” proqramlaşdırma dili sertifikatı əldə etmişəm.

2024-cü ildən “iTechno Academy” tədris mərkəzində PUA texnologiyası və operator kurslarında təlimçi kimi fəaliyyət göstərirəm. 2023-cü ildən etibarən “iTechno” və “RB Group of Companies” şirkətlərində Qarabağ ərazisində PUA vasitəsilə mina təmizləmə layihəsində layihə rəhbəri və baş mühəndis kimi fəaliyyət göstərirəm.

Əlaqə saxla